Related Posts
Category : National
105 વર્ષમાં પહેલી વાર રેલ્વેને મળી મહિલા ચેરમેન, જાણો કોણ છે આ મહિલા
105 વર્ષના ઈતિહાસમાં પ્રથમ વખત કોઈ મહિલાને રેલવેના ચેરમેન અને સીઈઓ પદ પર નિયુક્ત કરવામાં આવી છે. ગુરુવારે જયા વર્મા સિન્હાને ભારતીય રેલ્વેના અધ્યક્ષ અને CEO બનાવવામાં આવ્યા છે. જયા વર્મા સિન્હા 1 સપ્ટેમ્બર, 2023 ના રોજ ચાર્જ સંભાળશે. સિંહા હાલમાં રેલ્વે બોર્ડમાં સભ્ય (ઓપરેશન્સ એન્ડ બિઝનેસ ડેવલપમેન્ટ) તરીકે પોસ્ટેડ છે અને ઓછામાં ઓછા 35 વર્ષ સુધી ભારતીય રેલ્વેમાં સેવા આપી છે.
જયા વર્મા સિન્હા પ્રતિષ્ઠિત અલ્હાબાદ યુનિવર્સિટીના ભૂતપૂર્વ વિદ્યાર્થી રહી ચૂક્યા છે. તે મૂળ ભારતીય રેલ્વે ટ્રાફિક સેવા 1986 બેચની ઇન્ડિયન રેલ્વે મેનેજમેન્ટ સર્વિસ (IRMS) ની છે. સિંહા રેલવે બોર્ડના વર્તમાન વડા અનિલ કુમાર લાહોટીનું સ્થાન લેશે. અત્રે એ ઉલ્લેખ કરવો જરૂરી છે કે વિજયાલક્ષ્મી વિશ્વનાથન રેલવે બોર્ડના પ્રથમ મહિલા સભ્ય હતા, પરંતુ જયા રેલવે બોર્ડના પ્રથમ મહિલા અધ્યક્ષ હશે.
ઓડિશાના બાલાસોરમાં કોરોમંડલ એક્સપ્રેસ અકસ્માત વખતે જયા વર્મા સિન્હા ખૂબ જ સક્રિય હતા. તેમણે સમગ્ર ઘટના પર ખાસ નજર રાખી હતી. આ ઉપરાંત તેમણે પીએમઓમાં આ ઘટના અંગે પાવર પ્રેઝન્ટેશન પણ આપ્યું હતું. તેમની સક્રિયતા અને કાર્યશૈલીના ખૂબ વખાણ થયા. હવે સરકારે જયા વર્મા સિન્હાની નિમણૂકને મંજૂરી આપી દીધી છે.
Load more
